U Minsku piacikłaśnica addała machlaram bolš za $10 tysiač z baćkoŭskich aščadžeńniaŭ
Afierysty pierakanali napałochanuju dziaŭčynku znajści doma siamiejnyja hrošy i pieradać ich kurjeru «dla dekłaravańnia».
Skryn milicejskaha videa
U stalicy 10‑hadovaja školnica stała achviaraj telefonnych afierystaŭ. Spačatku dziaŭčyncy patelefanavali nieviadomyja, jakija nazvalisia supracoŭnikami sotavaha apieratara i vymanili ŭ jaje kod z SMS-paviedamleńnia.
Paśla hetaha złačyncy źmianili rolu: jany nazvalisia pravaachoŭnikami i pačali zapałochvać dzicia kryminalnaj adkaznaściu.
Napałochanuju dziaŭčynku pierakanali znajści doma siamiejnyja hrošy i pieradać ich kurjeru nibyta dla dekłaravańnia. U vyniku školnica addała machlaram bujnuju sumu — bolš za 10 tysiač dołaraŭ ZŠA. Jana addała ich kala padjezda doma.