Ukrainskaj SPA nie ŭdałosia źbić nivodnaj balistyčnaj rakiety: patrebnyja rakiety dla Patriot
U noč na 6 lipienia supraćpavietranaja abarona Ukrainy nie zmahła pierachapić nivodnuju z 29 rakiet, jakija lacieli pa balistyčnaj trajektoryi. Rezki spad efiektyŭnaści źviazany z krytyčnym deficytam rakiet dla kompleksaŭ Patriot, zdolnych zmahacca z balistykaj. Pra heta ŭ efiry nacyjanalnaha telemarafonu zajaviŭ śpikier Vajskova-pavietranych sił pałkoŭnik Juryj Ihnat.
Pradstaŭnik VPS adznačyŭ, što kolkaści samich sistem u krainie dastatkova, adnak nieabchodny pastajannyja pastaŭki snaradaŭ.
Pavodle jaho słoŭ, Rasija vykarystoŭvaje surjozny suśvietny deficyt pierachaplalnikaŭ PAC-2 i PAC-3, robiačy staŭku mienavita na balistyčnyja ŭdary.
Juryj Ihnat nahadaŭ, što napiaredadni prezident Uładzimir Zialenski ŭ svaim zvarocie zrabiŭ asobny akcent na hetaj prablemie, papiaredziŭšy mižnarodnych partnioraŭ ab padrychtoŭcy RF da masiravanaj ataki z vykarystańniem balistyki.
Miž tym, Ihnat zajaviŭ, što RF užo hatovaja da novaha masiravanaha ŭdaru, jon moža adbycca «choć zaŭtra».