Zapracavała elektronnaja čarha dla padačy dakumientaŭ u VNU
Z 6 lipienia biełaruskija abituryjenty mohuć zahadzia zareziervavać datu i čas padačy dakumientaŭ u pryjomnuju kamisiju praz novy servis «Elektronnaja čarha», paviedamili ŭ Respublikanskim instytucie kantrolu viedaŭ.
Zdymak ilustracyjny. Fota: «Naša Niva»
Servis dazvalaje vybrać zručny čas dla naviedvańnia VNU i paźbiehnuć praciahłaha čakańnia ŭ žyvoj čarzie. Kolkaść dastupnych miescaŭ dla braniavańnia abmiežavanaja.
Kab skarystacca pasłuhaj, nieabchodna ŭvajści ŭ asabisty kabiniet na sajcie Respublikanskaha instytuta kantrolu viedaŭ. Abituryjenty, jakija zdavali CE abo CT u 2026 hodzie, mohuć aŭtaryzavacca pa identyfikacyjnym numary. Vypusknikam 2025 hoda treba ŭvieści sieryju i numar pašparta łacinskimi litarami.
Paśla ŭvachodu nieabchodna vybrać vobłaść, navučalnuju ŭstanovu, fakultet, śpiecyjalnaść, formu navučańnia, a zatym zareziervavać datu i čas. Paśla paćviardžeńnia sistema sfarmuje tałon u farmacie PDF.
Kali płany źmianilisia, najaŭnaje braniravańnie možna admianić i vybrać inšy volny čas.
Taksama abituryjentaŭ papiaredzili pra ašukancaŭ. Im nahadali, što aficyjnyja SMS-paviedamleńni ad Respublikanskaha instytuta kantrolu viedaŭ prychodziać tolki ad adpraŭnika rikc.by i nie majuć spasyłak.
Čytajcie taksama:
U BNTU ŭvodziać elektronnuju čarhu pry padačy dakumientaŭ na pastupleńnie
Pačali vydavać siertyfikaty CT