Rasijski turyst z byčkom atrymaŭ 15 sutak. Jon zastaniecca na Akreścina
Sud Centralnaha rajona Minska pryznaŭ 18‑hadovaha mužčynu vinavatym u drobnym chulihanstvie i pryznačyŭ jamu 15 sutak administracyjnaha aryštu.
Skrynšot ź videa
Pavodle materyjałaŭ spravy, uviečary 3 lipienia ŭ rajonie stancyi mietro «Niamiha» małady čałaviek pavodziŭ siabie dziorzka i nachabna. Na zaŭvahu minakoŭ jon adkazvaŭ hrubaj niecenzurnaj łajankaj, parušaŭ hramadski paradak i prajaŭlaŭ jaŭnuju niepavahu da ahulnapryniatych normaŭ pavodzin.
Sud pryznaŭ jaho vinavatym pavodle art. 19.1 Kodeksa ab administracyjnych pravaparušeńniach (drobnaje chulihanstva) i pryznačyŭ administracyjny aryšt na 15 sutak.
Na sudovym pasiadžeńni mužčyna poŭnaściu pryznaŭ svaju vinu.
Raniej paviedamlałasia, što małady čałaviek išoŭ pa minskaj Niamizie z maci. Jon kinuŭ niedakurak jakraz tudy, dzie kamunalščyki tolki što prybrali. Małady muzyka Leŭ Biełarusaŭ zrabiŭ jamu zaŭvahu — u adkaz pačuŭ ahresiju i rasijskija maciuki.
Čytajcie taksama:
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud