Pamior adzin z zasnavalnikaŭ «Pieśniaroŭ» Uładzisłaŭ Misievič
Učora, 6 lipienia 2026 hoda, na 82‑m hodzie žyćcia pamior viadomy biełaruski muzyka i adzin z zasnavalnikaŭ lehiendarnaha ansambla «Pieśniary» Uładzisłaŭ Misievič.
«Kataŭsia na rolikach, pryjechaŭ dachaty, pryniaŭ kantrasny duš, loh u łožak i pamior», — raskazali jaho siabry.
Misievič aktyŭna vioŭ sacsietki. Apošni jaho dopis u fejsbuku byŭ zrobleny za dzień na śmierci. Jon pierastaviŭ pieśniu «Oj, lacieli husi z brodu» mulavinskich «Pieśniaroŭ».
Uładzisłaŭ Misievič naradziŭsia 8 maja 1945 hoda ŭ Arenburhu, dzie atrymaŭ pieršuju muzyčnuju adukacyju i pačaŭ vajskova-arkiestravuju słužbu.
U druhoj pałovie 1960‑ch hadoŭ padčas słužby ŭ Minsku jon paznajomiŭsia z Uładzimiram Mulavinym. U 1968 hodzie jany razam uvajšli ŭ skład ansambla «Lavony», jaki ŭ 1970 hodzie byŭ pierajmienavany ŭ «Pieśniary».
Misievič pracavaŭ u kalektyvie jak saksafanist, flejtyst, bek-vakalist, kampazitar.
U 2020‑m Misievič rassvaryŭsia z kalehami pa «Biełaruskich Pieśniarach», jakija padtrymali ruch za demakratyčnyja źmieny. Misievič ža zastaŭsia na baku łukašenkaŭcaŭ.