Rabotniki čyhunki try miesiacy krali ź ciahnikoŭ paliva
U Mahilovie zatrymali 48‑hadovaha mašynista dyziel-ciahnika rehijanalnych linij i jaho 30‑hadovaha pamočnika. Pavodle źviestak siłavikoŭ, mužčyny krali dyzielnaje paliva dla nastupnaha prodažu.
Zdymak ilustracyjny. Fota: Lookby.media
Jak paviedamili va UUS Mahiloŭskaha abłvykankama, zatrymańnie praviali supracoŭniki adździeła pa baraćbie z ekanamičnymi złačynstvami Leninskaha RUUS.
Śledstva ŭstanaviła, što ź lutaha pa krasavik rabotniki łakamatyŭnaha depo rehularna źlivali dyzielnaje paliva ź ciahnikoŭ. Ich dziejańni zafiksavali kamiery videanazirańnia.
Za try miesiacy jany vykrali kala 600 litraŭ paliva. Pavodle infarmacyi milicyi, skradzienaje paliva pradavali znajomym i svajakam.
Škoda ad ich dziejańniaŭ aceńvajecca bolš jak u 1200 rubloŭ. Pa fakcie kradziažu zaviali kryminalnuju spravu.
Čytajcie taksama:
Pjany miechanik skraŭ čužuju mašynu, kab sustrecca z žančynaj. Ale jana hetaha nie acaniła
«Jon skazaŭ, što nakładzie praklon!» Ekstrasens ź internetu prymusiŭ minčanku ździejśnić kradziež