U Minsk lacić prezident Uźbiekistana
8—9 lipienia ŭ Minsku z aficyjnym vizitam budzie znachodzicca prezident Uźbiekistana Šaŭkat Mirzijojeŭ. U ramkach vizitu jon praviadzie pieramovy z Alaksandram Łukašenkam.
Šaŭkat Mirzijojeŭ. Fota: Getty Images
Jak paviedamlajecca, hałoŭnaj temaj sustrečy stanie raźvićcio dvuchbakovaha supracoŭnictva i pašyreńnie ŭzajemadziejańnia pamiž Biełaruśsiu i Uźbiekistanam u roznych śfierach.
Asnoŭnuju ŭvahu baki płanujuć nadać raźvićciu vytvorčaj kaapieracyi i realizacyi sumiesnych prajektaŭ.
Pa vynikach pieramoŭ čakajecca padpisańnie kala 20 dakumientaŭ, hałoŭnym ź jakich stanie Dekłaracyja ab ustanaŭleńni stratehičnaha partniorstva pamiž Biełaruśsiu i Uźbiekistanam.
Napiaredadni vizitu ŭ Minsku taksama projdzie treci Mižrehijanalny forum z udziełam pradstaŭnikoŭ rehijonaŭ i dziełavych kołaŭ abiedźviuch krain.
7 lipienia premjer-ministr Biełarusi Alaksandr Turčyn sustreŭsia ź vice-premjeram Uźbiekistana Žamšydam Chadžajevym. Baki abmierkavali pramysłovuju kaapieracyju, supracoŭnictva ŭ ahrapramysłovym kompleksie i inšyja napramki ŭzajemadziejańnia.
Pavodle acenki biełaruskaha boku, tavaraabarot pamiž dźviuma krainami ŭ 2026 hodzie moža dasiahnuć 1 miljarda dalaraŭ, a da 2030 hoda — 2 miljardaŭ dalaraŭ. U svaju čarhu, pradstaŭnik Uźbiekistana zajaviŭ pra hatoŭnaść krainy nakiroŭvać rabotnikaŭ dla pracy ŭ sielskaj haspadarcy Biełarusi.
Čytajcie taksama:
Deficyt bienzinu ŭ Rasii pierakidajecca i na Centralnuju Aziju
Siarod lidaraŭ krain byłoha SSSR rasijanie najbolš daviarajuć Łukašenku — dziaržaŭny saccentr