Tramp znoŭ uspomniŭ, što choča Hrenłandyju

Prezident ZŠA Donald Tramp znoŭ zajaviŭ, što Hrenłandyja pavinna znachodzicca pad kantrolem Złučanych Štataŭ. Pra heta jon skazaŭ paśla prybyćcia na samit NATA ŭ Ankary.

Donald Tramp. Fota: AP Photo / Mark Schiefelbein

Tramp śćviardžaje, što Danija niedastatkova ŭvahi nadaje biaśpiecy Hrenłandyi, a vostraŭ maje vialikaje stratehičnaje značeńnie dla ZŠA, bo ŭ hetym rehijonie aktyŭna dziejničajuć rasijskija i kitajskija karabli. Pry hetym jon pryznaŭ, što jahonyja raniejšyja zajavy pra mahčymaść siłavoha ŭstalavańnia kantrolu nad Hrenłandyjaj pahoršyli adnosiny z sajuźnikami pa NATA.

Padčas samitu amierykanski prezident taksama raskrytykavaŭ partnioraŭ pa aljansie, zajaviŭšy, što jany nie akazali dastatkovaj padtrymki ZŠA padčas vajennaj apieracyi suprać Irana. Pavodle jaho słoŭ, jon rasčaravany pazicyjaj jeŭrapiejskich krain i Kanady.

U Ankary Tramp sustreŭsia z prezidentam Turcyi Redžepam Taipam Erdahanam. Jon vysoka acaniŭ rolu tureckaha lidara i nazvaŭ jaho svaim dobrym siabram. Akramia taho, kiraŭnik Biełaha doma paviedamiŭ, što ZŠA mohuć razhledzieć mahčymaść viartańnia Turcyi ŭ prahramu vytvorčaści źniščalnikaŭ F-35.

Turcyju vyklučyli z hetaj prahramy ŭ 2019 hodzie paśla nabyćcia joj rasijskich zienitnych rakietnych kompleksaŭ S-400, što vyklikała zaniepakojenaść amierykanskaha boku ŭ pytańniach biaśpieki.

Kamientary da artykuła