U Minsku znajšli novuju placoŭku pad žyllo
Na miescy byłoha aŭtaparku na Majakoŭskaha pabudujuć damy dla tych, chto ŭ čarzie.
U Minsku vyznačyli jašče adno miesca pad šmatpaviarchovuju žyłuju zabudovu. Damy źjaviacca na terytoryi byłoha aŭtobusnaha parka №2 na vulicy Majakoŭskaha. Pra heta paviedamiŭ kiraŭnik administracyi Leninskaha rajona Raman Mielnik.
Raniej usich rabotnikaŭ i transpart hetaha filijała pieraviali ŭ inšyja parki horada, tamu vyzvalenuju terytoryju vyrašyli addać pad žyllo. Zaraz śpiecyjalisty zaviaršajuć prajektavańnie i čakajuć vynikaŭ dziaržaŭnaj budaŭničaj ekśpiertyzy.
Kamiercyjnaha žylla na hetaj placoŭcy nie budzie. Usie kvatery pryznačany vyklučna dla tych, chto staić na ŭliku tych, chto maje patrebu ŭ palapšeńni žyllovych umoŭ u rajonnaj administracyi. Pačać budaŭnictva płanujuć u kancy hoda — u čaćviortym kvartale 2026 hoda.