Zastałosia tolki dva tydni, kab padać zajaŭku na try prestyžnyja prahramy navučańnia i prafiesijnaha raźvićcia ŭ ZŠA
Prahramy raźličanyja na ŭsich hramadzian Biełarusi, jakija adpaviadajuć patrabavańniam, niezaležna ad ich miesca žycharstva.
Ilustracyjny zdymak. Fota: Pamela Smith / AP
Poŭnaje finansavańnie vydatkaŭ
Hramadzianie Biełarusi majuć unikalnuju mahčymaść uziać udzieł u troch viadomych mižnarodnych prahramach, što finansujucca Uradam ZŠA: Hubert H. Humphrey Fellowship, Fulbright Foreign Student Program i Fulbright Faculty Development Program. Usie prahramy zabiaśpiečvajuć poŭnaje finansavańnie vydatkaŭ i spryjajuć raźvićciu prafiesijnaha patencyjału, akademičnych viedaŭ i mižnarodnych suviaziej.
Prahrama stypiendyj Chjubierta Chamfry (Hubert H. Humphrey Fellowship)
Termin padačy zajavak — 9 žniŭnia 2026 hoda, 23:59 (UTC+3).
Hadavaja prahrama dla daśviedčanych śpiecyjalistaŭ(-ak) ź lidarskim patencyjałam i imknieńniem pracavać na karyść hramadstva. Udzielniki(-cy) raspracoŭvajuć ułasnuju prahramu prafiesijnaha rostu biez atrymańnia stupieni ŭ adnym ź viadučych univiersitetaŭ ZŠA.
Padychodzić dla śpiecyjalistaŭ u halinach: dziaržaŭnaj palityki, ekanomiki, pravoŭ čałavieka, žurnalistyki, achovy zdaroŭja, ekałohii, adukacyi dy inš.
Asnoŭnyja patrabavańni:
- hramadzianstva Biełarusi;
- skončanaja vyšejšaja adukacyja (bakałaŭr ci ekvivalent);
- minimum 5 hadoŭ prafiesijnaha dośviedu;
- dobry ŭzrovień anhlijskaj;
- lidarski patencyjał.
Padrabiaźniej: Hubert H. Humphrey Fellowship Progra — AC Belarus
Prahrama Fulbright Faculty Development Program dla vykładčykaŭ(-čyc) VNU (FFDP)
Termin padačy zajavak na prahramu FFDP — 2 žniŭnia 2026 hoda, 23:59 (UTC+3).
Siemiestravaja prafiesijnaja stažyroŭka dla vykładčykaŭ(-čyc) VNU biez atrymańnia stupieni. Prahrama daje mahčymaść raspracavać novyja kursy, palepšyć mietodyki vykładańnia, pravieści daśledavańni i naładzić akademičnyja suviazi.
Asnoŭnyja patrabavańni:
- hramadzianstva Biełarusi;
- skončanaja vyšejšaja adukacyja (bakałaŭr ci ekvivalent);
- źjaŭlacca vykładčykam(-caj) ustanovy vyšejšaj adukacyi ŭ Biełarusi ci inšaj krainie na momant padačy zajaŭki;
- mieć dośvied vykładańnia va ŭstanovie vyšejšaj adukacyi nie mienšy za dva hady na momant padačy zajaŭki;
- dobry ŭzrovień anhlijskaj.
Padrabiaźniej: Fulbright Faculty Development Program (FFDP) — AC Belarus
Prahrama Fulbright Foreign Student dla zamiežnych studentaŭ(-ak) (FFSP)
Termin padačy zajavak na prahramu FFSP — 2 žniŭnia 2026 hoda, 23:59 (UTC+3).
FFSP dazvalaje atrymać stupień mahistra ŭ ZŠA ŭ halinach mižnarodnych adnosin, adukacyi, prava, ekałahičnaj palityki, dziaržaŭnaha kiravańnia, žurnalistyki, achovy zdaroŭja dy inš.
Asnoŭnyja patrabavańni:
- hramadzianstva Biełarusi;
- skončanaja vyšejšaja adukacyja (bakałaŭr ci ekvivalent);
- dobry ŭzrovień anhlijskaj.
Padrabiaźniej: Fulbright Foreign Student Program (FFSP) — AC Belarus
Umovy ŭdziełu i finansavańnie
Usie prahramy całkam finansujucca i ŭklučajuć:
- navučańnie abo stažyroŭku;
- apłatu avijapieralotaŭ;
- štomiesiačnuju stypiendyju;
- miedycynskuju strachoŭku;
- padtrymku ŭ vizavych pracedurach;
- vizavuju padtrymku dla siamji na praciahu prahramy.
Roŭny dostup
Udzieł u prahramach mahčymy dla ŭsich hramadzian(-ak) Biełarusi, niezaležna ad miesca žycharstva. Usie kankursanty(-ki) majuć roŭnyja pravy, niezaležna ad rasy, połu, movy, relihii ci inšych prykmiet.
Pa ŭsich pytańniach pišycie na: belarus@americancouncils.org