U Mahilovie zvarščyk zahinuŭ, zachacieŭšy spuścicca na hruzavym lifcie
U Mahilovie na terytoryi adnaho z byłych pramysłovych pradpryjemstvaŭ ranicaj 9 lipienia zahinuŭ 65‑hadovy zvarščyk, paviedamlaje Śledčy kamitet.
Fota: Śledčy kamitet
Pavodle źviestak Śledčaha kamiteta, mužčyna chacieŭ spuścicca na nižni pavierch. Jon adčyniŭ dźviery hruzavoha lifta, nie pierakanaŭsia, što kabina znachodzicca na miescy, i stupiŭ u pustuju liftavuju šachtu.
Rabočy ŭpaŭ z vyšyni kala šaści mietraŭ i atrymaŭ śmiarotnyja traŭmy.
Ustanoŭlena, što budynak cecha jašče nie byŭ uviedzieny ŭ ekspłuatacyju. Na momant zdareńnia dostup na vierchnija pavierchi byŭ mahčymy tolki pa leśvicach.
Pa fakcie hibieli rabotnika pravodzicca pravierka, vyśviatlajucca ŭsie abstaviny zdareńnia.
Čytajcie taksama:
U Babrujskim rajonie piensijanierka piłavała bałharkaj doški, parezała nahu i pamierła