Novy vid marskich maluskaŭ nazvali ŭ honar bramnika zbornaj Kaba-Verde

Ispanski daśledčyk Chiesus Artea padčas pracy nad navukovym daśledavańniem «Historyja bijaraznastajnaści» adkryŭ novy vid nievialikaha čyrvonaha marskoha ślimaka. Novy vid atrymaŭ nazvu ŭ honar futbalista — marski ślimak Vazińja, paviedamlaje The Athletic.

Vazińja. Fota: Icon Sportswire via Getty Images

Maluska znajšli padčas daśledavańniaŭ u Karybskim mory kala Havany na Kubie i vostrava Hvadełupa. Pavodle słoŭ vučonaha, nadańniem nazvy jon chacieŭ vykazać udziačnaść žycharam Kaba-Verde. U 2023 hodzie hetaja kraina ŭznaharodziła jaho miedalom «Za zasłuhi ŭ halinie ekałohii».

Heta ŭžo nie pieršy vypadak, kali Chiesus Artea nazyvaje adkrytyja im vidy ŭ honar futbalistaŭ. U 2019 hodzie jon prysvoiŭ imia byłoha bramnika madrydskaha «Reała» i zbornaj Kosta-Ryki Kiejłara Navasa novamu vidu drobnych marskich ślimakoŭ.

Zbornaja Kaba-Vierde niadaŭna ŭpieršyniu ŭ svajoj historyi vystupiła na čempijanacie śvietu pa futbole. Kamanda dajšła da 1/16 finału, dzie ŭ dadatkovy čas sastupiła zbornaj Arhienciny ź likam 2:3. U hetym niesumniennym dla nievialikaj astraŭnoj krainy kala atłantyčnaha ŭźbiarežža Afryki dasiahnieńni vialikaja rola jaje hałkipiera-vieterana, imia jakoha stała viadomym na ŭvieś śviet.

Kamientary da artykuła