U Syzrani paśla ataki dronaŭ haryć naftapierapracoŭčy zavod
Nad horadam bačny vialiki słup dymu.
Pažar na Syzrańskim NPZ. Fota tut i dalej: exilenova_plus / Telegram
U Syzrani (Samarskaja vobłaść Rasii) paśla ataki dronaŭ 12 lipienia zahareŭsia naftapierapracoŭčy zavod.
Heta adno z najbujniejšych pradpryjemstvaŭ naftapierapracoŭki ŭ Samarskaj vobłaści, jano ŭvachodzić u skład «Rasnafty». Za hod zavod pierapracoŭvaje ad 7 da 8,5 młn ton nafty. Vypuskaje bienzin, dyziel, avijacyjnaje paliva, bitum.
Vierahodna, była paškodžana ŭstanoŭka AVT-5, jakaja zabiaśpiečvaje da 30% pieršasnaj pierapracoŭki zavoda, adznačaje telehram-kanał Dnipro Osint.
Za čas vajny Syzrański NPZ nie raz atakavali.
Hienštab USU taksama paviedamiŭ, što ŭkraincy za noč ŭrazili 10 rasijskich tankieraŭ i 4 paromy ŭ akvatoryi Azoŭskaha mora.