Mužčyna kupiŭ pravy ŭ internecie i praz 10 hadoŭ pryjšoŭ mianiać ich u DAI
U Vaŭkavyski RAUS dla zamieny paśviedčańnia kiroŭcy ŭ suviazi sa skančeńniem terminu dziejańnia źviarnuŭsia miascovy žychar.
Padčas pravierki supracoŭnikami ŭstanoŭlena, što paśviedčańnie kiroŭcy z hetym numaram vydavałasia inšamu čałavieku, a zajaŭnik dziejnaha paśviedčańnia nie maje.
Sudovymi ekśpiertami ŭstanoŭlena, što błank paśviedčańnia kiroŭcy vyrabiła nie pradpryjemstva. Usie vyjavy piaredniaha i advarotnaha bakoŭ błanka zrobleny na kalarovym pryntary.
Jak rastłumačyŭ mužčyna, dakumienty jon nabyŭ u Rasijskaj Fiederacyi praź internet-resurs. Ciapier idzie pravierka. Nastupstvy takoha nieabdumanaha kroku dla biełarusa pakul nie viadomyja.