Kiraŭnik Dziaržaŭnaj pamiežnaj achovy: Łatvija — hałoŭnaja meta hibrydnaj vajny z boku Biełarusi
Situacyja na ŭschodniaj miažy źviazanaja z surjoznymi vyklikami, zajaviŭ načalnik Dziaržaŭnaj pamiežnaj achovy Łatvii Huncis Pujats, piša Delfi.lv.
Fota: Alexander Welscher/picture alliance via Getty Images
Pavodle jaho słoŭ, pieravozčyki nielehalnych mihrantaŭ taksama stali dziejničać bolš ahresiŭna, i pamiežnikam dla ich zatrymańnia davodzicca vykarystoŭvać usio bolš žorstkija miery. Tamu Dziaržaŭnaj pamiežnaj achovie patrebna bolš šyrokaja padtrymka z boku Nacyjanalnych uzbrojenych sił.
Sioleta Dziaržaŭnaja pamiežnaja achova praduchiliła 7600 sprob niezakonnaha pierasiačeńnia biełaruska-łatvijskaj miažy. Heta značna bolš, čym za anałahičny pieryjad minułaha hoda.
Kiraŭnik DPA charaktaryzuje cisk na źniešniuju miažu jak vielmi vysoki i adznačaje, što heta vyklikana šeraham pryčyn. Adna ź ich — paśladoŭnaja padtrymka Łatvijaj Ukrainy i asudžeńnie rasijskaj ahresii. Na situacyju taksama ŭpłyvajuć prapahandysckija naratyvy, jakija raspaŭsiudžvaje Rasija, a dadatkovyja ryzyki ŭpłyvajuć na budučyja vybary ŭ Siejm.
«Meta — destabilizavać situacyju, vyklikać niezadavolenaść i raskoł u hramadstvie praź nibyta niazdolnaść spravicca z hetymi ciažkaściami», — zajaviŭ Pujats.