Ajčym biŭ dzicia, a zatym pahaliŭ małoha, napisaŭ na łbie słova «złodziej» i advioŭ u škołu
Kryminalnuju spravu zaviali suprać žychara Babrujska. Vyśvietliłasia, što mužčyna sistematyčna źbivaŭ pasynka. A adnojčy pahaliŭ hałavu dziciaci i markieram napisaŭ na joj słova «złodziej», piša Onliner.
Viadoma, što z maja da listapada minułaha hoda mužčyna sistematyčna ŭžyvaŭ fizičny hvałt u dačynieńni da pasynka. Padstavaj stanavilisia praviny 8‑hadovaha dziciaci.
Vosieńniu chłopčyk niejak biez dazvołu ŭziaŭ u ajčyma hrošy. «Abvinavačany ŭdaryŭ jaho niekalki razoŭ rukoj pa hałavie i tvary, paśla čaho hvałtoŭna pahaliŭ hałavu, a zatym nanios na łob nadpis «złodziej» markieram.
Na nastupny dzień, vyjaviŭšy, što nadpis byŭ ściorty, jon znoŭ užyŭ da dziciaci hvałt, nanios toj ža nadpis na jaho łob i advioŭ u škołu», — vynikaje z materyjałaŭ suda.
Nadpis na łbie školnika zaŭvažyła kłasnaja kiraŭnica. Dalej pra zdareńnie dyrektar škoły paviedamiła ŭ milicyju. Viadoma, što paśla chłopčyka zabrali ź siamji.
Na sudovym pasiadžeńni abvinavačany pryznaŭ vinu častkova. Sud pryznačyŭ babrujčaninu pakarańnie ŭ vyhladzie chimii biez nakiravańnia terminam na 1 hod 6 miesiacaŭ. Prysud jašče nie ŭstupiŭ u siłu i moža być abskardžany.