Pamior adzin z najstarejšych śviataroŭ Hrodzienskaj jeparchii — Mikałaj Hlad
Jamu było 70 hadoŭ.
Fota: Hrodzienskaja jeparchija
Mikałaj Hlad pamior 12 lipienia z pryčyny raptoŭnaj chvaroby. Jon słužyŭ u chramie Mikałaja Cudatvorca ŭ Dubnie Mastoŭskaha rajona.
«Śmierć protaijereja Mikałaja Hlada — niezamiennaja strata dla Hrodzienskaj jeparchii. Jaho žyćcio było całkam pryśviečana słužeńniu śviatoj Carkvy Chrystovaj i ludziam, jakich jon akarmlaŭ ź nieasłabnaj pastyrskaj reŭnaściu na praciahu bolš jak tryccaci siami hadoŭ», — paviedamlaje Hrodzienskaja jeparchija.
Mikałaj Hlad naradziŭsia 22 kastryčnika 1955 hoda ŭ v. Rubiel Stolinskaha rajona Bresckaj vobłaści ŭ nabožnaj siamji. Praź miesiac byŭ achryščany ŭ tamtejšaj carkvie. Atrymaŭ śpiecyjalnaść va Ukrainie, słužyŭ u vojsku.
U kastryčniku 1987 hoda ŭziaŭ carkoŭny šlub z Maryjaj Razanovič. U ich było čaćviora synoŭ: Andreja, Juryj, Mikałaj i Vasil.
Mikałaj Hlad adčuŭ paklikańnie da pastyrskaha słužeńnia, ajciec Mikałaj pastupiŭ u Minskuju duchoŭnuju sieminaryju, jakuju z pośpiecham skončyŭ u 1997 hodzie. U 1988 hodzie byŭ paśviečany ŭ san dyjakana, potym ijereja (śviatara).
Słužyŭ nastajacielem chrama ŭ v.Kuźmičy Vaŭkavyskaha rajona, potym u Samujłavičach. U Dubnie słužyŭ sa śniežnia 2000 hoda. Byŭ uznaharodžany niekalkimi ŭznaharodami BPC.