Na trasie pad Łahojskam pryčep lesavoza prabiŭ aharodžu mosta i ŭpaŭ na darohu
Ranicaj 14 lipienia na viciebskaj trasie M3 kala Łahojska adbyłosia darožnaje zdareńnie ź lesavozam. Pavodle papiaredniaj infarmacyi, padčas ruchu ŭ pryčepa łopnuła koła, z-za čaho jaho zaniesła da kraju puciepravoda, paviedamlaje telehram-kanał «Łohojsk. Novosti».
Pryčep prabiŭ aharodžu mosta i zvaliŭsia na darohu R66 (Kałačy — Łahojsk), a sam hruzavik Volvo zastaŭsia na puciepravodzie.
Niahledziačy na surjoznyja paškodžańni techniki, nichto nie paciarpieŭ.