ZŠA znoŭ niekalki hadzin bili pa Iranie
Udary praciahvalisia siem hadzin.
Fota: U.S. Central Command via AP
ZŠA pad ranicu abviaścili pra zaviaršeńnie ŭdaraŭ pa Iranie, paceliŭšy pa dziasiatkach vajskovych abjektaŭ pablizu Armuzskaha praliva i ŭ prybiarežnych rajonach Irana. Pra heta havorycca ŭ zajavie Centralnaha kamandavańnia Uzbrojenych sił ZŠA (CENTCOM), apublikavanaj u sacyjalnaj sietcy X.
Amierykanskija źniščalniki, bieśpiłotnyja latalnyja aparaty i karabli na praciahu siami hadzin nanosili vysokadakładnyja ŭdary pa iranskich rakietnych abjektach, bazach BPŁA, siłach vajenna-marskoha fłotu i sistemach bierahavoj achovy. U CENTCOM padkreślili, što hetyja ŭdary nanosiacca dla źnižeńnia zdolnaści Irana «pahražać kamiercyjnym sudnam i cyvilnym ekipažam».
U svaju čarhu, Korpus vartavych isłamskaj revalucyi (KVIR) paviedamiŭ pra źniščeńnie hałoŭnaha centra padrychtoŭki i zabieśpiačeńnia vojska ZŠA ŭ porcie Mina Abduła ŭ Kuviejcie, pra ŭdary pa bazie Uzbrojenych sił ZŠA ŭ Iardanii i źniščeńnie abjektaŭ Piataha fłotu ZŠA ŭ Bachrejnie.