Vyznačyŭsia mahčymy supiernik «MŁ Viciebsk» u druhim raŭndzie Lihi čempijonaŭ
Stała viadoma, chto stanie apanientam «MŁ Viciebsk» u vypadku pośpiechu biełaruskaha kłuba ŭ supraćstajańni pieršaha kvalifikacyjnaha raŭndu futbolnaj Lihi čempijonaŭ z rumynskaj «Univiersitaciaj».
Fota: uefa.com
Im stanie hrozny bałharski «Leŭski», jaki ŭčora doma razhramiŭ baśnijski «Borac» ź likam 4:0 (pieršy matč — 0:1).
Siońnia «MŁ Viciebsk» praviadzie hulniu ŭ adkaz suprać «Univiersitaci» (pačatak a 20:30). Matč projdzie ŭ Rumynii.
U pieršaj hulni «Univiersitacia» pieramahła 4:1.
Kali «MŁ Viciebsk» prajhraje, to jon praciahnie vystup u 2‑m raŭndzie Lihi kanfierencyi, jaho spabornikam budzie niaŭdačnik pary «Kajrat» (Kazachstan) — «Sućjeska» (Čarnahoryja). U pieršym pajadynku kazachstanski kłub minimalna pieramoh ź likam 2:1.
Zaŭtra, u čaćvier, projduć matčy ŭ adkaz pieršaha etapu kvalifikacyi Lihi kanfierencyj.
BATE na niejtralnym poli sustreniecca z ałbanskim «Elbasani» (pieršy matč — 1:1), minskaje «Dynama» zhulaje ŭ haściach z paŭnočnamakiedonskim «Sileksam» (u pieršym matčy «Silesk» pieramoh 1:0).