Pravaabaronca «Viasny» Valancin Stefanovič staŭ łaŭreatam Franka-niamieckaj premii
Uznaharodžańnie pravaabaroncy «Viasny» Valancina Stefanoviča Franka-niamieckaj premijaj za pravy čałavieka i vierchavienstva prava adbyłosia jašče 10 śniežnia 2025 hoda, adnak u metach biaśpieki imia pravaabaroncy tady nie było aficyjna apublikavana siarod 15 uhanaravanych pravaabaroncaŭ z usiaho śvietu, piša «Viasna».
Varta adznačyć, što raniej hetaj prestyžnaj uznaharodaj užo byli adznačanyja biełarusy: staršynia Pravaabarončaha centru «Viasna», łaŭreat Nobieleŭskaj premii miru Aleś Bialacki (2019 h.) i były staršynia Biełaruskaha chielsinskaha kamitetu, niabožčyk Aleh Hułak (2021 h.).
Valancin Stefanovič byŭ zatrymany 14 lipienia 2021 hoda padčas masavaha pieraśledu pravaabaroncaŭ u Biełarusi. U sakaviku 2023 hoda sud pryznačyŭ jamu dzieviać hadoŭ pazbaŭleńnia voli ŭ kałonii va ŭmovach uzmocnienaha režymu pa sfabrykavanaj palityčna matyvavanaj spravie. 19 sakavika 2026 hoda Valancina razam ź inšymi palitviaźniami pamiłavali paśla vizitu Džona Koŭła, śpiecpasłańnika prezidenta ZŠA Donalda Trampa.
Miedal Franka-niamieckaj premii za pravy čałavieka i vierchavienstva prava
Franka-niamieckaja premija za pravy čałavieka i vierchavienstva prava zasnavana ŭ 2016 hodzie ministrami zamiežnych spraŭ dźviuch krain. Jana štohod prysudžajecca pravaabaroncam, žurnalistam i aktyvistam z usiaho śvietu za vybitny ŭkład u abaronu demakratyčnych kaštoŭnaściaŭ i vierchavienstva zakona, časta va ŭmovach surjoznaj asabistaj ryzyki.