Pamiatajecie charyzmatyčnaha i žartaŭlivaha kiraŭnika Mikałajeŭskaj vobłaści? Jon moža stać ministram u novym uradzie Ukrainy
Vital Kim stanie ministram pa spravach vieteranaŭ.
U Viarchoŭnuju Radu Ukrainy pastupiła pradstaŭleńnie ab pryznačeńni novaha składu ŭrada, jaki ŭznačalić Siarhiej Karecki. Parłamient pavinien zaćvierdzić jaho šlacham hałasavańnia. Častka ministraŭ zachavała svajo pasady, častka pierajšła na novyja, źjavilisia i novyja asoby, paviedamlaje Ukrainskaja słužba Radyjo Svaboda.
Tak premjer Ukrainy ŭ 2020‑2025 hadach Dzianis Šmyhal zojmie pasadu pieršaha vice-premjer-ministra, ministra enierhietyki. A voś Vital Kim prapanavany na pasadu ministra pa spravach vieteranaŭ.
Uradženiec Mikałajeva Vital Kim ź listapada 2020 hoda ŭznačalvaje Mikałajeŭskuju abłasnuju vajennuju adminimstracyju.
Paśla pačatku poŭnamaštabnaha rasijskaha ŭvarvańnia jon zapomniŭsia ledzianym spakojem i strymanym pačućciom humaru, kali kamientavaŭ rasijskija abstreły vobłaści.
Z pačatku vajny jon staŭ adnym z samych viadomych ukraincaŭ. U siabie ŭ tielehram-kanale jon z pazityvam raskazvaŭ pra toje, što ciapier adbyvałasia ŭ rehijonie, a jaho fraza: «Dobroho viečora, mi z Ukrajini» stała miemam.