VNU siońnia zaviaršajuć pryjom dakumientaŭ na biudžetnyja miescy
Pryjomnyja kamisii ŭ apošni dzień pryjomu pracujuć z 9:00 da 18:00.
Siońnia ŭ bolšaści vyšejšych navučalnych ustanoŭ krainy zaviaršajecca ŭstupnaja kampanija na ahulnych padstavach dla pastupleńnia na biudžetnyja miescy, a taksama na płatnuju formu navučańnia pa śpiecyjalnaściach, dzie nieabchodna prajści ŭnutranyja ŭstupnyja vyprabavańni. Heta tvorčyja śpiecyjalnaści, a taksama śpiecyjalnaści ŭ halinie fizičnaj kultury i sportu, piša BiełTA.
Pryjomnyja kamisii ŭ apošni dzień pryjomu pracujuć z 9:00 da 18:00.
Važna pamiatać, što asablivaściu apošniaha dnia źjaŭlajecca toje, što ŭsie abituryjenty, jakija da 18:00 vykažuć žadańnie padać dakumienty i ŭvojduć u budynak univiersiteta, zmohuć heta zrabić.
Hałoŭnaje — paśpieć zajści ŭ korpus da 18:00.
Sielskahaspadarčyja ŭstanovy vyšejšaj adukacyi i siłavyja VNU prymajuć dakumienty da 19 lipienia.
Z 18 pa 25 lipienia ŭ VNU projduć unutranyja ŭstupnyja vyprabavańni. Zaličeńnie na biudžetnuju formu navučańnia zavieršycca 27 lipienia.
Pryjom dakumientaŭ na płatnuju formu navučańnia praciahniecca da 1 žniŭnia, a zaličeńnie studentaŭ-płatnikaŭ zavieršycca 3 žniŭnia.
Usiaho 46 VNU krainy hatovy pryniać kala 49,1 tysiačy abituryjentaŭ. Ź ich prykładna 33,1 tysiačy — na biudžetnuju formu navučańnia, jašče kala 16 tysiač — na płatnuju.