Na Naračy staŭ tanuć katamaran ź piaćciu asobami na borcie
Na voziery Narač piać čałaviek — troje dziaciej i dvoje darosłych — apynulisia ŭ niebiaśpiečnaj situacyi, kali katamaran, na jakim jany znachodzilisia, pačaŭ tanuć, paviedamlaje Tavarystva ratavańnia na vodach.
Jak paviedamili ŭ tavarystvie, incydent zaŭvažyli rabotniki vyratavalnaj stancyi «Zubrania», jakaja kantraluje akvatoryju kala adnajmiennaha dziciačaha łahiera. Katamaran nabraŭ vialikuju kolkaść vady i pačaŭ tracić svaju płyvučaść.
Ratavalniki nieadkładna nakiravalisia da sudna i evakujavali ŭsich piaciarych ludziej na vyratavalnym katary. Ich dastavili na bierah. Pavodle najaŭnaj infarmacyi, nichto nie paciarpieŭ.