MAZ pakazaŭ novyja aŭto dla aeraporta
Minski aŭtamabilny zavod i pradpryjemstva «MAZ-Kupava» vyrabili śpiecyjalny aŭtamabil MAZ 281 dla Nacyjanalnaha aeraporta Minsk. Mašyna budzie pieravozić pasažyraŭ pamiž samalotam i terminałam, paviedamlaje myfin.by.
Fota tut i dalej: maz.by
Aŭtamabil atrymaŭ dyzielny ruchavik mahutnaściu 150 k.s., šaścistupieńčatuju miechaničnuju karobku pieradač i adpaviadaje ekałahičnamu standartu Jeŭra-5. U asnaščeńnie ŭvajšli sistemy ABS, EBD i ESC, kruiz-kantrol, kandycyjanier, kamiera zadniaha vidu i elektrapryvad lusterkaŭ.
U sałonie praduhledžana siem kresłaŭ pavyšanaj kamfortnaści z adkidnymi śpinkami. Jašče dva pasažyrskija miescy raźmieščany pobač z kiroŭcam. Taksama ŭstalavany aŭtamatyčnyja bakavyja dźviery, dvuchrežymnaje aśviatleńnie «dzień-noč», padśviatleńnie prystupak, supraćślizhotnaje pakryćcio padłohi i teleskapičnaja viešałka dla vierchniaha adzieńnia.
Usiaho pa zamovie aeraporta vyrabiać try takija aŭtamabili. Adzin ź ich abstalujuć miescam dla pieravozki pasažyra z abmiežavanymi mahčymaściami.