U Rasii spyniŭ pracu pravaabarončy prajekt Gulagu.net
Pra spynieńnie pracy prajekta Gulagu.net napisaŭ jaho zasnavalnik Uładzimir Asiečkin. Jon zajaviŭ, što pracu pravaabaroncaŭ daviałosia prypynić «z ulikam novych realij i ryzyk».
Gulagu.net byŭ zasnavany Uładzimiram Asiečkinym u 2011 hodzie. Jon i pravaabaroncy, jakija ź im supracoŭničali, aśviatlali katavańni ŭ rasijskich turmach, z-za pracy prajekta Asiečkinu daviałosia emihravać.
U 2021 hodzie biełaruski pravaabaronca i prahramist Siarhiej Savieljeŭ, jaki siadzieŭ u Sarataŭskaj abłasnoj tubierkuloznaj balnicy (ATB-1) i supracoŭničaŭ z Gulagu.net, apublikavaŭ maštabny archiŭ videa z katavańniami i zhvałtavańniami źniavolenych u joj. U vyniku byli zaviedzienyja piać kryminalnych spraŭ pa faktach hvałtu ŭ ATB-1, a praź miesiac Uładzimir Pucin zvolniŭ načalnika Fiederalnaj słužby vykanańnia pakarańniaŭ. Udzielniki katavańniaŭ atrymali ad 12 hadoŭ kałonii da pažyćciovaha pazbaŭleńnia voli.
Čytajcie taksama:
Stała viadoma, jak vyzvalili biełarusa, jaki pieradaŭ videa katavańniaŭ u rasijskich turmach