«Vialikaja strata dla ŭsioj Biełarusi». Cichanoŭskaja adhuknułasia na śmierć Śviatłany Kurs

Śviatłana Cichanoŭskaja ŭ svaim telehram-kanale adreahavała na viestku pra śmierć 20 lipienia piśmieńnicy Śviatłany Kurs (Jevy Viežnaviec).

Śviatłana Kurs

«Ź vialikim bolem daviedałasia pra śmierć Śviatłany Kurs. Heta vialikaje hora dla blizkich i siabroŭ, i vialikaja strata dla ŭsioj Biełarusi.

Svaim talentam i svajoj pracaj Śviatłana nazaŭsiody ŭpisała svajo imia ŭ biełaruskuju historyju i kulturu.

Śviatłana zaradžała biełarusaŭ pazityvam, pryciahvała mnohich da biełaruščyny, natchniała i zaŭsiody vypramieńvała aptymizm. Jana była natchnieńniem dla kožnaha i kožnaj, chto žyŭ biełaruskimi spravami, chto lubiŭ Biełaruś i rabiŭ niešta dziela biełaruskaj spravy.

Nam budzie vielmi vas nie chapać, Śviatłana. Vašych słovaŭ, vašych knih, vašych paradaŭ i mudrych dumak.

Śvietłaja pamiać», — napisała Śviatłana Cichanoŭskaja.

Pra śmierć Śviatłany Kurs stała viadoma 20 lipienia. Apošni hod piśmieńnica mužna zmahałasia z ankałahičnaj chvarobaj. 

Kamientary da artykuła