Šviejcaryja pamianiaje svajho pasła ŭ Biełarusi
Pasoł Šviejcaryi ŭ Biełarusi Kryścina Choniehier-Załatuchin zaviaršaje svaju dypłamatyčnuju misiju. Z hetaj nahody 20 lipienia ŭ Minsku ź joj sustreŭsia ministr zamiežnych spraŭ Maksim Ryžankoŭ.
Kryścina Choniehier-Załatuchin i Maksim Ryžankoŭ. Fota: MZS Biełarusi
Jak paviedamlaje pres-słužba MZS, padčas sustrečy baki abmierkavali ciapierašni stan i mahčymyja pierśpiektyvy raźvićcia biełaruska-šviejcarskich adnosin va ŭmovach najaŭnaj mižnarodnaj situacyi. Taksama jany abmianialisia mierkavańniami nakont padziej u rehijonie i śviecie.
Šviejcaryja zastajecca adnoj ź niamnohich jeŭrapiejskich krain, jakaja paśla pačatku masavych represij u Biełarusi nakiravała ŭ Minsk nie časovaha pavieranaha, a paŭnavartasnaha pasła. Nieŭzabavie paśla taho, jak Kryścina Choniehier-Załatuchin prystupiła da pracy ŭ 2022 hodzie, była vyzvalena hramadzianka Šviejcaryi biełaruskaha pachodžańnia Natalla Chierše, asudžanaja pa palityčnych matyvach.
Čytajcie taksama:
U šviejcarskich Alpach zahinuŭ biełarus
Pasoł Šviejcaryi prybyła ŭ Minsk i nieŭzabavie ŭručyć davierčyja hramaty Łukašenku
Łukašenka — prezidentu Šviejcaryi: Sankcyi nanosiać škodu abiedźvium krainam