Chrenin zajaviŭ, što Biełaruś nie ŭzvodzić umacavanych rajonaŭ na miažy z Ukrainaj
Ministr abarony nazvaŭ takija paviedamleńni vajnoj u infarmacyjnaj prastory, jakaja viadziecca suprać Biełarusi.
Ministr abarony Viktar Chrenin u razmovie z žurnalistami abvierhnuŭ infarmacyju, što biełaruski bok nibyta ŭzvodzić fartyfikacyjnyja zbudavańni na miažy z Ukrainaj, piša BiełTA.
Viktar Chrenin nazvaŭ «takoha rodu ŭkidy» vajnoj u infarmacyjnaj prastory, jakaja viadziecca suprać Biełarusi.
«My heta, viadoma, čuli i hladzim na heta z uśmieškaj. Tyja zajavy, što my rychtujem niejkija abarončyja rajony… My vydatna razumiejem, što heta robicca tolki z adnoj metaj: stvaryć napružańnie ŭ našym hramadstvie, dy i va ŭkrainskim taksama, ubivajučy klin i robiačy z nas lutych vorahaŭ. Heta nie adpaviadaje nijakaj rečaisnaści», — padkreśliŭ jon.
Ministr nahadaŭ, što raniej Łukašenka daŭ daručeńnie abstalavać umacavanyja rajony ŭzdoŭž miežaŭ Biełarusi.
«Heta daručeńnie vykanana. Piać umacavanych rajonaŭ uzdoŭž zachodniaj i paŭnočnaj miežaŭ abstalavanyja, idzie ich aktyŭnaje ŭdaskanaleńnie. Na paŭdniovaj miažy i ŭ płanach navat niama stvareńnia niejkich umacavanych rajonaŭ, abarončych rubiažoŭ», — skazaŭ jon.