Vyjšaŭ na svabodu palitviazień Arciom Labiedźka — syn palityka Anatola Labiedźki
Chłopca aryštavali ŭ sakaviku 2023 hoda i prysudzili try z pałovaj hady źniavoleńnia za danaty. Jon całkam adbyŭ termin. Apošnim časam Arcioma ŭtrymlivali ŭ turemnych umovach.
Arcioma Labiedźku zatrymali ŭ kancy sakavika 2023 hoda i pieršapačatkova dvojčy davali pa 15 sutak.
Potym na jaho zaviali spravu pavodle abvinavačańnia ŭ finansavańni ekstremisckaj dziejnaści (art. 361‑2 Kryminalnaha kodeksa).
Spravu Arcioma pačali razhladać 21 žniŭnia 2023 hoda ŭ Minskim haradskim sudzie za danaty ŭ try fondy salidarnaści ŭ 2020 hodzie. Mierkavana, havorka išła, u tym liku pra fondy BY_help i Biełaruski fond spartyŭnaj salidarnaści.
Arciom vinu nie pryznaŭ. 24 žniŭnia 2023 hoda jaho asudzili na try hady i šeść miesiacaŭ kałonii va ŭmovach uzmocnienaha režymu.
Pakarańnie adbyvaŭ u «Voŭčych norach» (kałonija №22), potym adbyŭsia sud pa zamienie režymu ŭtrymańnia na turemny. Ź lutaha 2026 hoda jon adbyvaŭ termin u turmie №4 u Mahilovie.