Top-10 kryminalnych artykułaŭ, pa jakich čaściej za ŭsio sudziać biełarusaŭ
Napieradzie alimienty i kradziažy. A paśla spažyvańnie narkotykaŭ, kradziež z kartak… I sprava Hajuna.
Viarchoŭny sud Biełarusi apublikavaŭ statystyku svajoj pracy za pieršaje paŭhodździe 2026 hoda. Ahułam pa kryminalnych spravach było asudžana 12 676 čałaviek.
Voś samyja papularnyja kryminalnyja artykuły z tych, što nazyvajucca ŭ pres-relizie:
- Alimienty (174 KK) — 2534 asudžanych
- Kradziež (204 KK) — 2449 asudžanych
- Spažyvańnie narkotykaŭ (č. 1 art. 328 KK) — 666 asudžanych
- Chulihanstva (339 KK) — 585 asudžanych
- Kradziež z kartak (212 KK) — 490 asudžanych
- Raspaŭsiud narkotykaŭ (č. 2-5. art. 328 KK) — 314 asudžanych
- Hrabiež (206 KK) — 291 asudžany
- Parušeńnie praviłaŭ darožnaha ruchu (317 KK) — 252 asudžanyja
- Naŭmysnaje pryčynieńnie ciažkaha paškodžańnia (147 KK) — 193 čałavieki
- Atrymańnie chabaru (430 KK) — 150 asudžanych.
Viarchoŭny sud nie ŭklučyŭ u rejtynh palityčnyja artykuły. Ahułam ža za pieršaje paŭhodździe ŭstupili ŭ siłu prysudy amal u 600 asudžanych za palityku. Ź ich u 460 čałaviek jość u abvinavačvańni artykuł 361‑4 — «sadziejničańnie ekstremisckaj dziejnaści». Pieravažna heta sprava Hajuna.
Adnak heta nie značyć, što ich usich asudzili mienavita ŭ pieršaje paŭhodździe. Dakładny lik kolkaści asudžanych budzie troški inšym, ale suvymiernym.