Na starycy Dniapra pad Rahačovam złavili dvuchmietrovaha soma FOTY
Rybak z Rahačova Leanid Sakałoŭ padčas čarhovaj rybałki złaviŭ trafiejnaha soma, jaki staŭ adnym z najbujniejšych, złoŭlenych u Biełarusi ŭ hetym siezonie, piša Fishing.by.
Na rybałku mužčyna vypraviŭsia na starycu Dniapra kala vioski Iljič Rahačoŭskaha rajona i navat nie dumaŭ, što jamu daviadziecca zmahacca z takoj vialikaj rybinaj. Pa słovach Leanida, jon łaviŭ z łodki mietadam trolinhu. Som klunuŭ na vobler daŭžynioj 130 milimietraŭ.
Ryba nadziejna začapiłasia adrazu za dva kručki, ale jaje vyciahvańnie było vielmi składanym. Zmahańnie z hihantam praciahvałasia kala 40 chvilin.
U vyniku rybaku ŭdałosia dastać soma daŭžynioj 2 mietry i vahoj 55 kiłahramaŭ. Sam Leanid adznačyŭ, što heta jaho asabisty rekord.
U biełaruskich vadajomach bujnyja samy traplajucca davoli rehularna, adnak asobiny vahoj bolš za 50 kiłahramaŭ ličacca vielmi redkim i asabliva kaštoŭnym trafiejem.
Čytajcie taksama:
Rybaki złavili na Prypiaci soma, ale nie dumali, što jaho mohuć skraści
U Varšavie zatrymali ŭkrainca, jaki złaviŭ lehiendarnaha soma, jaki 20 hadoŭ płavaŭ u hetym voziery