Raskrytaja maštabnaja karupcyjnaja schiema, zatrymanyja 44 čałavieki
Ahulny abjom chabaru pieravysiŭ 750 000 rubloŭ.
Siłaviki zatrymali 44 słužbovyja asoby z pradpryjemstvaŭ roznych halin — ahrapramysłovaha i paliŭna-enierhietyčnaha kompleksaŭ, ŽKH, budaŭnictva, transpartu, adukacyi i inšych halin, paviedamlaje pres-słužba MUS.
Pavodle MUS, jany hadami atrymlivali chabary ad udzielnikaŭ tendaraŭ u abmien na harantavanaje prasoŭvańnie ich kamiercyjnych intaresaŭ — zabiaśpiečvali vybar patrebnych arhanizacyj u jakaści pastaŭščykoŭ, spryjali bieśpieraškodnaj pryjomcy tavaraŭ i kantralavali svoječasovuju apłatu za pastaŭki.
Ahulnaja suma chabaru pieravysiła 750 000 rubloŭ.
Arhanizataram schiemy vystupiŭ zasnavalnik šerahu kamiercyjnych arhanizacyj.
Pavodle MUS, jon raspracavaŭ miechanizm raźmierkavańnia niezakonnych vypłat, navat vyvieŭ śpiecyjalnuju formułu sumy chabaru.
Pieradavać chabar jamu dapamahali padnačalenyja, jakija adkazvali za padbor partnioraŭ i ŭzajemadziejańnie sa słužbovymi asobami.
Padčas pieratrusu ŭ ofisie firmy apieratyŭniki kanfiskavali dakumienty čornaj buchhałteryi, u jakich źmiaščalisia źviestki pra sumy ździełak i vypłačanych adkataŭ.
U dačynieńni da 44 fihurantaŭ va ŭzroście ad 31 da 65 hadoŭ zaviedziena 45 kryminalnych spraŭ za chabarnictva. Pavodle MUS, mnohija ź ich byli zatrymanyja niepasredna padčas atrymańnia chabaru.