Vynieśli prysud 54 abvinavačanym pa spravie machlarskich koł-centraŭ

Kiraŭniki koł-centraŭ asudžanyja na terminy ad 6 da 11,5 hoda pazbaŭleńnia voli.

Ilustracyjnaje fota

Minski haradski sud vynies vyrak 54 abvinavačanym pa spravie machlarskich koł-centraŭ. Abvinavačvalisia kiraŭniki i ŭdzielniki mižnarodnaj złačynnaj arhanizacyi, ofisy jakoj znachodzilisia ŭ Maskvie, Biškieku i Minsku, paviedamlaje Hienprakuratura.

Machlarskija koł-centry dziejničali ŭ 2017—2024 hadach. Ich achviarami stali žychary krain SND i ES.

Schiema padmanu bazavałasia na prapanovie atrymańnia pasiŭnaha dachodu za košt inviestavańnia hrošaj u finansavyja prajekty, jakich nie isnavała.

Paciarpiełych pierakonvali pieraličvać hrošy na rachunki, jakija kantralavalisia arhanizacyjaj. Ahulny pamier naniesienaj škody pieravysiŭ 2 miljony rubloŭ.

Sud pryznaŭ abvinavačanych vinavatymi ŭ «kiravańni strukturnymi padraździaleńniami złačynnaj arhanizacyi, udziele ŭ jaje dziejnaści ŭ luboj inšaj formie i machlarskim zavałodańni majomaściu ŭ bujnym i asabliva bujnym pamierach, učynienym arhanizavanaj hrupaj».

Kiraŭniki asudžanyja na terminy ad 6 da 11,5 hoda pazbaŭleńnia voli sa štrafami ad 1 tysiačy da 10 tysiač bazavych vieličyń (45 tysiač — 450 tysiač rubloŭ).

Radavym udzielnikam pryznačanyja pakarańni ŭ vyhladzie pazbaŭleńnia voli na terminy ad 3 hadoŭ 3 miesiacaŭ da 7 hadoŭ 6 miesiacaŭ sa štrafami ad 600 da 4000 bazavych vieličyń (27 tysiač — 180 tysiač rubloŭ).

Sud zadavoliŭ pazoŭnyja patrabavańni paciarpiełych — z abvinavačanych salidarna ŭ lik kampiensacyi materyjalnaj škody spahnana bolš za 2,2 młn rubloŭ, a taksama 15 tysiač rubloŭ materyjalnaj kampiensacyi maralnaj škody.

Kamientary da artykuła