Dvoje paciarpiełych u vyniku abvału ryštavańniaŭ u Minsku zastajucca ŭ balnicach
U Minsku dvoje paciarpiełych u vyniku abrušeńnia budaŭničych ryštavańniaŭ na vulicy Kisialova praciahvajuć znachodzicca ŭ balnicach. Pra heta paviedamili ŭ kamitecie pa achovie zdaroŭja Minharvykankama, piša BiełTA.
Adzin z paciarpiełych špitalizavany ŭ Balnicu chutkaj miedycynskaj dapamohi, druhi — ŭ 5‑iu haradskuju kliničnuju balnicu. U abodvuch dyjahnastavanyja spałučanyja traŭmy roznaj stupieni ciažkaści. Miedyki pravodziać nieabchodnaje lačeńnie i dyjahnastyčnyja abśledavańni.
Pieršapačatkova paśla zdareńnia ŭ miedycynskija ŭstanovy byli dastaŭlenyja šeść čałaviek. U ich vyjavili čerapna-mazhavyja traŭmy, paškodžańni źviazak sustavaŭ, udary i rvanyja rany. Paśla abśledavańnia i kansiliumaŭ čatyroch paciarpiełych adpuścili na ambułatornaje lačeńnie pa miescy žycharstva.
Raniej paviedamlałasia, što na budaŭničaj placoŭcy adbyłosia abrušeńnie budaŭničych ryštavańniaŭ kala dzieviacipaviarchovaha doma, jaki ciapier uzvodzicca. U vyniku trahiedyi adzin čałaviek zahinuŭ, jašče šaściora atrymali traŭmy.
Pa fakcie zdareńnia zaviali kryminalnuju spravu.
Čytajcie taksama:
Na budoŭli ŭ Minsku abrynulisia budaŭničyja ryštavańni — zahinuŭ čałaviek
Šaściora paciarpiełych u DTZ pad Asipovičami vypisanyja sa špitala
Paciarpiełuju ŭ DTZ u Batumi biełarusku praapieravali, jana ŭžo doma
U Pinskim rajonie małady mužčyna zahinuŭ ad vybuchu bojeprypasu časoŭ Druhoj suśvietnaj vajny