USU atakavali skład Wildberries u Pienzie, jość paciarpieły
Na terytoryi składskoha kompleksu ŭźnik pažar.
Hubiernatar Pienzienskaj vobłaści Aleh Mielničenka paviedamiŭ, što ŭkrainskija bieśpiłotniki atakavali skład kampanii Wildberries u Pienzie. Pavodle papiaredniaj infarmacyi, paciarpieŭ adzin čałaviek.
Na terytoryi składskoha kompleksu ŭźnik pažar, jaho tušać. Była praviedziena evakuacyja supracoŭnikaŭ, a paciarpiełamu akazana nieabchodnaja miedycynskaja dapamoha.
Płošča składskoha kompleksu Wildberries u Biasonaŭskim rajonie Pienzienskaj vobłaści składaje kala 180 tysiač kvadratnych mietraŭ. Jon źmiaščaje prykładna 100 miljonaŭ tavaraŭ.
Łahistyčny centr absłuhoŭvaje Pienzienskuju vobłaść i susiednija rehijony Pryvołžskaj fiederalnaj akruhi.