Milicyja pravodzić vučeńni ŭ Hrodzienskaj vobłaści
Vučeńni projduć siońnia ŭ Hrodnie, Lidzie i Vialikaj Bierastavicy. Mohuć być čutnyja vybuchi.
Siońnia ŭ Hrodnie, Lidzie i Vialikaj Bierastavicy adbuducca kompleksnyja kamandna-štabnyja vučeńni pa praviercy hatoŭnaści padraździaleńniaŭ orhanaŭ unutranych spraŭ i ŭnutranych vojskaŭ Ministerstva ŭnutranych spraŭ da dziejańniaŭ u asablivych umovach, paviedamlaje pres-słužba MUS.
U Hrodnie mierapryjemstvy projduć na abjekcie pa vulicy Čyrvonaarmiejskaj, u Lidzie — pa vulicy Lotnaj, u Vialikaj Bierastavicy — na paŭnočnym ujeździe ŭ haradski pasiołak.
U suviazi z hetym na nazvanych učastkach časova budzie abmiažoŭvacca ruch usich vidaŭ transpartu.
U milicyi zaklikajuć, kab paźbiehnuć zatoraŭ, kiroŭcam rekamiendujuć zahadzia płanavać maršrut ruchu i vybirać alternatyŭnyja šlachi.
Zaznačajecca, što pablizu nazvanych miescaŭ mohuć być čutnyja huki vybuchaŭ i strełaŭ, tamu chvalavacca nie varta.