U Litvie zatrymali troch čałaviek, jakija pryjechali ŭ lesie zabirać kantrabandnyja cyharety ź Biełarusi
U Alituskim rajonie Litvy pamiežniki pierachapili bujnuju partyju cyharet, dastaŭlenuju ź Biełarusi mieteazondami, i zatrymali troch čałaviek, jakija pryjechali zabrać hruz.
Fota: VSAT
U paniadziełak viečaram supracoŭniki Słužby achovy dziaržaŭnaj hranicy Litvy vyjavili vialiki miašok z kantrabandaj i zładzili zasadu.
Praź dźvie hadziny pa hruz pryjechaŭ mikraaŭtobus z tryma žycharami Alitusa. Zatrymanym — 24, 35 i 38 hadoŭ. Adzin ź ich byŭ niadaŭna departavany ź Irłandyi i nie maje stałaha miesca žycharstva.
U miašku znajšli 24 kardonnyja skryni (12 tysiač pačkaŭ) cyharet «NZ Gold» i «Minsk Superslims» Hrodzienskaj tabačnaj fabryki «Nioman». Ahulny košt kantrabandy razam z padatkami składaje bolš za 65,5 tysiač jeŭra.
Raspačata kryminalnaja sprava za kantrabandu i niezakonny abarot akcyznych tavaraŭ.
Dvuch zatrymanych paśla dopytu adpuścili pad padpisku, a treciaha sud uziaŭ pad vartu na try miesiacy.
Vinavatym pahražaje štraf abo pazbaŭleńnie voli na termin da 8 hadoŭ.