«MŁ Viciebsk» vyjšaŭ u treci raŭnd kvalifikacyi Lihi kanfierencyj
U hetym raŭndzie futbolnaha jeŭrakubka zhulajuć dva biełaruskija kłuby.
Fota: Biełaruski futboł
Čempijon Biełarusi «MŁ Viciebsk» ŭ dvuch matčach pierajhraŭ čarnahorskuju «Sućjesku». Učora «MŁ Viciebsk» vyjhraŭ u haściach ź likam 2:1, a tydzień tamu pieramoh 3:0.
U trecim raŭndzie jon zhulaje z čempijonam Bośnii i Hiercahaviny «Boracam» z Bania-Łuki, jaki prajšoŭ małdaŭski «Pietrakub» — 3:0, 3:3.
Vyjšła ŭ treci raŭnd i minskaje «Dynama», jakoje ŭ dźviuch hulniach adoleła azierbajdžanski «Nieftčy» (4:2, 0:1).
«Dynama» ŭ trecim raŭndzie budzie hulać z partuhalskaj «Brahaj», jakaja ŭ minułym siezonie zaniała 4‑ie miesca ŭ čempijanacie Partuhalii i dajšła da paŭfinału Lihi Jeŭropy.
A voś barysaŭski BATE pakinuŭ jeŭrakubki, prajhraŭšy šviejcarskamu «Śjonu» (1:1, 0:4).
Matčy treciaha raŭndu projduć 6 i 13 žniŭnia. Ale ŭ nastupny paniadziełak, 3 žniŭnia, projdzie losavańnie stadyi płej-of kvalifikacyi.