Nietańjachu zabłakavaŭ pieradaču Ukrainie sistem «Žalezny kupał», choć ZŠA byli hatovyja zapłacić

Premjer-ministr Izraila Bieńjamin Nietańjachu ŭ 2023 hodzie nie dazvoliŭ pieradać Ukrainie batarei izrailskaj sistemy supraćpavietranaj abarony «Žalezny kupał», choć ich finansavańnie ažyćciaŭlałasia ŭradam ZŠA. Pra heta paviedamiła hazieta The Washington Post.

Bińjamin Nietańjachu. Fota: Win McNamee/Getty Images

Pavodle infarmacyi vydańnia, inicyjataram pieradačy hetych sistem Ukrainie byŭ amierykanski sienatar Lindsi Hrem. Jon prapanoŭvaŭ vykarystać batarei «Žaleznaha kupała» dla abarony ŭkrainskich haradoŭ i cyvilnaha nasielnictva ad rakietnych udaraŭ.

Adnak Nietańjachu zabłakavaŭ takuju mahčymaść. Jak adznačaje WP, niahledziačy na toje što sistemy byli apłačanyja ZŠA, pavodle pahadnieńnia ab sumiesnaj vytvorčaści mienavita Izrail maje vyrašalnaje prava na ich vykarystańnie i pieradaču inšym krainam.

Taksama paviedamlajecca, što padčas pachavańnia sienatara Lindsi Hrema, jakoje adbyłosia na hetym tydni, pamiž Nietańjachu i prezidentam Ukrainy Uładzimiram Zialenskim adbyłasia napružanaja razmova.

Pasolstva Izraila patłumačyła pazicyju izrailskaha ŭrada tym, što isnavali aściarohi nakont mahčymaj uciečki technałohij. Pa słovach pradstaŭnikoŭ dypłamatyčnaha viedamstva, była ryzyka, što pieradadzienyja sistemy mahli b trapić da Irana.

Akramia taho, u izrailskim pasolstvie zajavili, što zamiest «Žaleznaha kupała» Izrail viarnuŭ ZŠA rakietnyja kompleksy Patriot, kab ich mahli pieradać Ukrainie dla ŭzmacnieńnia jaje supraćpavietranaj abarony.

Kamientary da artykuła