MUS Łatvii prapanuje całkam zakryć adziny punkt propusku na miažy ź Biełaruśsiu

Ministerstva ŭnutranych spraŭ Łatvii prapanuje ŭradu krainy časova spynić pracu punkta propusku «Paternijeki» na łatvijska-biełaruskaj miažy. Prajekt adpaviednaha rašeńnia ŭžo padrychtavany i pieradadzieny na ŭzhadnieńnie, piša lsm.lv.

Fota: Latvijas Televizija

Kali ŭrad padtrymaje hetuju prapanovu, heta faktyčna budzie aznačać poŭnaje spynieńnie pieramiaščeńnia praz hety punkt dla hramadzian i hruzavoha aŭtatranspartu, jakija nakiroŭvajucca ŭ Biełaruś abo ź Biełarusi.

Ciapier «Paternijeki» — adziny dziejny aŭtamabilny punktam propusku pamiž Łatvijaj i Biełaruśsiu. Taksama isnuje čyhunačny punkt «Indra», ale jon vykarystoŭvajecca tolki dla hruzavych ciahnikoŭ, a pasažyrskija avijapieravozki pamiž krainami ŭžo niekalki hadoŭ nie ažyćciaŭlajucca.

U MUS Łatvii zajavili, što zakryćcio nieabchodnaje dla zabieśpiačeńnia biaśpieki krainy, praduchileńnia niezakonnaha pierasiačeńnia miažy, a taksama dla bolš efiektyŭnaha vykarystańnia resursaŭ Dziaržaŭnaj pahraničnaj achovy i inšych słužbaŭ va ŭmovach kryzisu.

Łatvijskaje viedamstva śćviardžaje, što cisk nielehalnaj mihracyi na miažy ź Biełaruśsiu zastajecca vysokim i patrabuje značnych sił ad pahraničnikaŭ. Pavodle zajavy MUS, Biełaruś nibyta praciahvaje dapuskać i padtrymlivać niekantralavanaje pieramiaščeńnie trecich asob praź miažu, što stvaraje dadatkovuju nahruzku na łatvijskija dziaržaŭnyja struktury.

U ministerstvie taksama adznačyli, što dziejny punkt propusku «Paternijeki» va ŭmovach uzmocnienaj achovy miažy zachoŭvaje mahčymaść dla «hibrydnaha cisku», pravakacyj i dziejańniaŭ raźviedvalnaha charaktaru.

Raniej na punkcie propusku ŭźnikli nibyta techničnyja prablemy ź infarmacyjnymi sistemami, z-za čaho z 31 lipienia afarmleńnie pierasiačeńnia miažy nie pravodzicca. Pamiežnaja słužba Łatvii rekamiendavała ludziam karystacca inšymi punktami propusku, u tym liku na miažy ź Litvoj.

Uzmocnieny režym achovy miažy ŭ łatvijskim pamiežžy ź Biełaruśsiu dziejničaje ŭžo praciahły čas i byŭ padoŭžany ŭradam Łatvii da kanca 2026 hoda. Jon raspaŭsiudžvajecca na šerah pamiežnych terytoryj, u tym liku Łudzienski, Krasłaŭski i Aŭhšdaŭhaŭski rehijony.

Kamientary da artykuła