«Rasijskaje «safary» na ludziej pavinna być spyniena va Ukrainie». Zialenski prakamientavaŭ palavańnie drona ŭ Chiersonie
Prezident Ukrainy prakamientavaŭ u svaim telehram-kanale vypadak, kali rasijski dron haniaŭsia za mužčynam u Chiersonie.
«Siońnia mnohich šakavała čarhovaje videa «safary», jakoje rasijanie viaduć z dapamohaj dronaŭ suprać ludziej u Chiersonie. Rasijski dron metanakiravana palavaŭ na mužčynu, jaki pradavaŭ harodninu ŭ Chiersonie, padarvaŭsia pobač ź im, i sami rasijanie pryznali, što ździejśnili hety złačynny ŭčynak, pryčym nie prosta nie škadujuć pra zroblenaje, a jašče i hanaracca tym, jak ździekujucca ź ludziej. Mužčyna atrymaŭ ranieńni ŭ vyniku vybuchu. Štodnia rasijanie ładziać takija «safary» na mirnych žycharoŭ Chiersona», — napisaŭ Uładzimir Zialenski.
Jon pierakanany, što śviet pavinien heta bačyć, jak i pavinien bačyć kožny fakt taho, što Rasija straciła ŭsiakija miežy, i kožny fakt taho, što rasijskija vajskoŭcy atrymlivajuć zadavalnieńnie ad zabojstvaŭ i ździekaŭ ź ludziej.
«Bieź cisku na Rasiju, bieź likvidacyi jaje ahresiŭnaha patencyjału i biez realnych harantyj biaśpieki ad Rasii niemahčyma ŭjavić, što śviet zmoža suisnavać z hetym złom. Nieabchodna i nadalej dziejničać rašuča, kab abaraniać žyćcio. Treba dziejničać tak i padtrymlivać žyćcio takim čynam, kab Rasija była vymušana sapraŭdy zadumacca pra mir, a nie pra toje, jak pavialičyć dalokaść svaich dronaŭ. I heta datyčycca nie tolki Ukrainy. Rasijskaje «safary» na ludziej pavinna być spyniena va Ukrainie i ni ŭ jakim razie nie pavinna raspaŭsiudzicca na inšyja krainy», — pierakanany prezident Ukrainy.