Viaskoviec mieŭ stralajučuju asadku
55‑hadovy viaskoviec u krasaviku prybiraŭsia ŭ chacie pamierłych baćkoŭ i znajšoŭ stralajučuju aŭtaasadku, a taksama małakalibiernyja patrony.
Japonskaja stralajučaja aŭtaasadka, ilustracyjnaje fota
Jon zachaplaŭsia palavańniem, tamu znojdzienyja pradmiety jaho zacikavili. Zdavać u milicyju nie staŭ, a zabraŭ sabie, ale potym, vidać, zdaŭ, paviedamlaje BiełTA.
Zhodna z zaklučeńniem sudova-balistyčnaj ekśpiertyzy, znojdzieny pradmiet źjaŭlajecca atypovaj ahniastrelnaj zbrojaj — stralajučaj aŭtaasadkaj, jakaja była vyrablenaja samatužnym sposabam i prydatnaja dla strełaŭ małakalibiernymi patronami. Piać kanfiskavanych patronaŭ byli vyrablenyja zavodskim sposabam, prydatnyja dla stralby i źjaŭlajucca bojeprypasami da naraznoj ahniastrelnaj spartyŭnaj i palaŭničaj zbroi.
Kryminalnaja sprava znachodziłasia ŭ vytvorčaści Białynickaha rajonnaha adździeła Śledčaha kamiteta.
Pry nakiravańni kryminalnaj spravy ŭ sud prakuror pakinuŭ bieź źmienaŭ raniej užytuju da abvinavačanaha mieru strymańnia ŭ vyhladzie padpiski ab niavyjeździe i naležnych pavodzinach.
U viedamstvie nahadali, što zhodna z zaŭvahaj da art. 295 Kryminalnaha kodeksa asoba, jakaja dobraachvotna zdała zbroju i bojeprypasy, vyzvalajecca ad kryminalnaj adkaznaści, za vyklučeńniem vypadkaŭ ich zbytu.