U Hrodzienskim zaaparku ŭpieršyniu naradziłasia ptušania palarnych soŭ
Biełyja sovy Nejsan i Bukla, jakija žyvuć u Hrodzienskim zaaparku, upieršyniu dali patomstva.
Samiec Nejsan prybyŭ u Hrodna z Maskvy ŭ 2018 hodzie, a samku Buklu pryvieźli ź Minska ŭ 2022-m.
Uviesnu Bukla adkłała try jajki, ale praz adsutnaść vopytu nasiedžvańnia ŭ lipieni vyłupiłasia tolki adno ptušania.
Trochi bolš jak praź miesiac saviania pakinuła hniazdo. Ciapier jano ŭžo padrasło, pačało latać i vučycca jeści samastojna, choć tata Nejsan dahetul praciahvaje jaho apiekavać i padkormlivać.
Baćki Nejsan i Bukla
Palarnaja (abo biełaja) sava — najbujniejšaja ptuška tundry z razmacham kryłaŭ da 1,75 mietra. U adroźnieńnie ad bolšaści inšych soŭ, jana paluje ŭdzień, a dziakujučy asablivamu pierju lotaje biasšumna. Samcy časta majuć pierłamutrava-biełaje apiareńnie, a samki — ź ciomnymi plamami. Asnovu ich racyjonu składajuć leminhi, jakich adna sava źjadaje bolš za 1500 za hod.