Rekanstrukcyja parku Čaluskincaŭ pačniecca ŭvosień
Rekanstrukcyja parku Čaluskincaŭ u Minsku startuje ŭ kastryčniku 2026 hoda i praciahniecca da kanca 2027-ha. Pra detali raskazaŭ hienieralny dyrektar «Minskzielanbuda» Alaksandr Jermałovič, pišuć «Minsk-Naviny».
Kancepcyja abnaŭleńnia budzie amal anałahičnaja toj, jakuju realizujuć u Centralnym dziciačym parku imia Horkaha. Na terytoryi zony adpačynku abnoviać plitačnaje pakryćcio i zamieniać inžyniernyja sietki: staryja kamunikacyi byli prakładzienyja daŭno i ŭžo nie spraŭlajucca z pavialičanaj enierhanahruzkaj handlovych abjektaŭ. Apošnija, darečy, taksama źmieniacca.
Asablivaja ŭvaha budzie nadadziena zabaŭlalnaj infrastruktury.
Raniej žychary horada niepakoilisia nakont losu troch papularnych atrakcyjonaŭ — «Koła ahladu», «Katalnaj hary» i «Ładździ». Alaksandr Jermałovič zapeŭniŭ, što jany nie źniknuć, a buduć zamienienyja.
— Hetyja atrakcyjony adpracavali svoj vyznačany termin ekspłuatacyi i ciapier utylizujucca. Paśla zaviaršeńnia rekanstrukcyi ŭ parku buduć ustanoŭlenyja anałahičnyja atrakcyjony, a taksama źjavicca jašče niekalki — užo da nastupnaha siezona.
Pieršuju dobraŭparadkavanuju častku parku pavinny adkryć da pačatku siezona pracy atrakcyjonaŭ, a całkam zaviaršyć maštabnaje abnaŭleńnie terytoryi płanujuć da kanca 2027 hoda.