U Łošyckim parku adnoviać razburanyja kaplicu i młyn. Jak jany buduć vyhladać paśla rekanstrukcyi
U Łošyckim parku Minska rychtujecca novy etap rekanstrukcyi. Na čarzie — adnaŭleńnie ruin młyna i kaplicy. Abiedźvie słavutaści abiacajuć adnavić z zachavańniem histaryčnaha abličča, ale adaptujuć pad sučasnyja patreby.
Młyn
U «Minskbudzie» raskazvajuć, što młyn budzie trochpaviarchovym z mansardnym paviercham i adnapaviarchovaj prybudovaj. Budaŭniki spačatku zakansiervujuć i ŭmacujuć zachavanuju cahlanuju kładku XIX stahodździa, paśla čaho raskryjuć i ŭzmocniać fundamienty.
Na terytoryi młyna źjaviacca letniaje kafe, dehustacyjnaja, bankietnaja zały, a taksama paviljon z suvienirami.
Naviedvalniki zmohuć pabačyć pracu sapraŭdnaha młynavaha miechanizma.
Kaplica
Ad pieršapačatkovaha budynka XVIII stahodździa da našych dzion zachavalisia tolki dva frahmienty ścien. Abličča kaplicy adnoviać u cehle, aryjentujučysia na akvarelny piejzaž mastaka Juzefa Pieški, z zachavańniem raniejšych habarytaŭ, architekturnych detalaŭ i trochkutnych frantonaŭ dachu.
Unutry budynka adkryjuć zału dla pastajannych i časovych tematyčnych ekspazicyj.
Razam z budaŭnikami ź pieršych dzion buduć pracavać archieołahi, jakija zrobiać hłybokaje zandavańnie zachavanaj kładki i praviaduć dadatkovyja navukovyja pošuki.