U znakamitaha zubra z trasy M-1 źjaviŭsia «małodšy brat»
Novaja skulptura taksama sustrakaje padarožnikaŭ na miažy Bresckaj i Minskaj abłaściej, tolki ŭ zusim inšym miescy.
«Lachavicki vieśnik»
Novy rahaty vołat asvojtaŭsia na miažy Lachavickaha i Kleckaha rajonaŭ, niedaloka ad Siniaŭki. Fihuru pastavili na ŭzvyššy, tamu nie zaŭvažyć budzie składana, piša «Lachavicki vieśnik».
Ideja ŭstalavać fihuru naležyć rajonnym uładam. A ŭvasobili jaje rabotniki Lachavickaj ŽKH, jakija ciapier zajmajucca dobraŭparadkavańniem terytoryi vakoł.
Darečy, heta ŭžo nie pieršy zubr u rajonie. Niekalki hadoŭ padobnaja skulptura sustrakaje haściej pry ŭjeździe ŭ Lachavičy — na skryžavańni vulic Lenina i Arłoŭskaha.