U Žłobinskim rajonie žančyna zahinuła ŭ avaryi
13 žniŭnia kala 15:00 u Žłobinskim rajonie adbyłosia darožna-transpartnaje zdareńnie sa śmiarotnym vynikam, paviedamlaje DAI Homielskaj vobłaści.
Jak paviedamlajecca, 61‑hadovy kiroŭca aŭtamabila Nissan na 241‑m kiłamietry aŭtadarohi M-5 Minsk — Homiel nie spraviŭsia z kiravańniem. Mašyna pierakuliłasia i źjechała ŭ kiuviet.
U vyniku avaryi 35‑hadovuju žančynu vykinuła z aŭtamabila. Ad atrymanych traŭmaŭ jana zahinuła na miescy zdareńnia.
Jašče dvoje čałaviek — 40‑hadovy mužčyna i 87‑hadovaja žančyna — atrymali traŭmy. Ich dastavili ŭ balnicu.