Ispanski skiejtbardyst skaryŭ sacsietki trukam, zroblenym padčas soniečnaha zaćmieńnia VIDEA
Ispanski skiejtbardyst Deni Leon ździviŭ karystalnikaŭ sacyjalnych sietak niezvyčajnym trukam, jaki jon vykanaŭ na fonie poŭnaha soniečnaha zaćmieńnia.
Skrynšot ź videa
Spartsmien dačakaŭsia momantu, kali Miesiac całkam zakryŭ Sonca, i mienavita tady zrabiŭ skačok na skiejtbordzie. Na videa stvarajecca ŭražańnie, byccam Leon pralataje prosta pierad całkam zaciamniełym Soncam.
Videazapis jon apublikavaŭ u sacyjalnych sietkach i nazvaŭ hety truk «rucham svajho žyćcia». Kadry chutka stali virusnymi i nabrali miljony prahladaŭ.
Deni Leon — prafiesijny skiejtbardyst, jaki pradstaŭlaŭ Ispaniju na Alimpijskich hulniach u Tokia ŭ 2021 hodzie i ŭ Paryžy ŭ 2024-m.
Poŭnaje soniečnaje zaćmieńnie adbyłosia 12 žniŭnia 2026 hoda i nazirałasia, u pryvatnaści, u niekatorych rajonach Ispanii i Partuhalii, a taksama ŭ inšych častkach Jeŭropy. Dla Ispanii heta stała pieršym poŭnym soniečnym zaćmieńniem bolš čym za stahodździe.
Spałučeńnie redkaj astranamičnaj źjavy i dakładna raźličanaha skačka zrabiła videa skiejtbardysta asabliva efiektnym.
Čytajcie taksama:
U roznych kutkach Biełarusi nazirali soniečnaje zaćmieńnie FOTY
U Minsku pačnuć budavać Centr ekstremalnych vidaŭ sportu
U Kamiennaj Horcy pabudujuć samy vialiki skiejt-park u krainie