Piešaja pilihrymka Minsk — Budsłaŭ vyrušyć 27 červienia
27 červienia (niadziela) ź minskaj archikatedry vyrušyć XX piešaja pilihrymka Minsk — Budsłaŭ. Raspačniecca jana z celebracyi śviatoj Imšy ŭ 8.15, jakuju ŭznačalić Mitrapalit Minska‑Mahiloŭski arcybiskup Tadevuš Kandrusievič.
U 10.00 arcypastyr udzielić błasłaŭleńnie ŭdzielnikam pilihrymki i jany raspačnuć piacidzionny šlach u Nacyjalnalny sanktuaryj.
Pilihrymku ŭznačalić probašč minskaha archikatedralnaha kaścioła Imia Najśviaciejšaj Panny Maryi ks. Antoni Klimantovič. U malitoŭnym padarožžy prymuć udzieł kala 300 čałaviek. Akramia viernikaŭ minskich parafij u hrupu ŭvachodziać pradstaŭniki parafij u Niaśvižy, Babrujsku, Homieli, a taksama z Rasii.
Pilihrymka pryśviečana ŭračystaści Maci Božaj Budsłaŭskaj, apiakunki Biełarusi.
Z hetaj nahody ŭ Budsłavie štohod 1—2 lipienia adbyvajucca adpustovyja nabaženstvy.
Sioletnija ŭračystaści ŭ Nacyjanalnym sanktuaryi ŭ Budsłavie projduć pad devizam «Maryja — vybranaja dačka Ajca Niabiesnaha».